Posibleng musaka pa ang interest rate sa Bangko Sentral ng Pilipinas (BSP) hangtod sa katapusan sa 2026 tungod sa padayon nga pagsaka sa presyo sa mga palaliton ug posibleng kakulang sa suplay sa pagkaon. Bisan og mikunhod ang headline inflation ngadto sa 6.4 porsiyento niadtong Hunyo gikan sa 6.8 porsiyento sa Mayo, misaka usab ang core inflation ngadto sa 4.4 porsiyento gikan sa 4.1 porsiyento.
Gipaabot sa Nomura Global Markets Research nga mosaka pa og 50 basis points ang policy rate sa BSP ug moabot kini sa 5.25 ka porsiyento sa katapusan sa tuig.
Samtang, gibanabana sa HSBC Global Investment Research nga mas dako pa ang ipatuman nga pagsaka sa interest rate nga moabot og 75 basis points o hangtod sa 5.50 ka porsiyento.
Matud sa mga ekonomista, ang pagsaka sa minimum wage sa Metro Manila ug ang hulga sa El Niño mahimong makapadako pa sa inflation sa umaabot nga mga bulan.