Mga armas ug eksplusibo, gipresenta nga narekober sa mga operasyon sa 8IB, pormal nga gipresenta sa pagbisita ni MGen. Angcao

Gipresenta ni LTCOL. Jorge R. Jallorina, Commanding Officer sa 8th Infantry Dependable Battalion, Philippine Army, ang nagkadaiyang klase sa mga armas, bala ug explosive devices atol sa pagbisita ni MGEN Marion Angcao sa kampo sa 8IB niadtong Sabado, Hulyo 11, 2026.

Ang maong mga armas ug eksplosibo narekober sa sunod-sunod nga operasyon sa yunit, lakip ang operasyon nga miresulta sa pagkapatay ni alyas Kakoy niadtong Hunyo 21, 2026 sa Sitio Nalumosan, Barangay Silae, Malaybalay City.

Matud sa militar, ang maong kalampusan nagpakita sa padayon nga paningkamot sa kasundalohan ug sa kooperasyon sa mga komunidad sa kampanya batok sa insurhensiya aron mapalig-on ang kalinaw ug seguridad sa nasakupan sa 8IB ug sa tibuok lalawigan sa Bukidnon.