Linda Nosková kampeon sa Wimbledon human gipildi ang kapwa Czech nga si Muchova

Nasakmit ni Czech tennis star Linda Noskova ang iyang unang Grand Slam women’s singles title human mapildi ang iyang kapwa Czech nga si Karolína Muchová sa iskor nga 6-2, 5-7, 6-3 sa Wimbledon.

Gidomina ni Noskova ang unang set, apan nakabalos si Muchová sa ikaduhang set aron mapugos ang usa ka deciding set.

Pagsulod sa ikatulong set, gipakita pag-usab ni Noskova, nga kasamtangang World No. 9, ang iyang kahusay ug kalig-on aron maselyohan ang kadaugan.

Uban sa maong titulo, nahimong pinakabatang Wimbledon women’s champion si Noskova sa edad nga 21-anyos sukad nakab-ot kini sa iyang kapwa Czech nga si Petra Kvitová niadtong 2011, sa edad nga 21-anyos.