Nakuha sa powerhouse team nga France ang una nga slot sa semifinals sa nagapadayon nga FIFA World Cup 2026. Kini human gilutos sa dula sa quarterfinals ang Morocco, sa iskor nga 2-0 karong adlaw.
Nanguna sa 2018 world champions ang captain nga si Kylian Mbappe nga naka-goal sa 60th minute ug si Ousmane Dembele nga naka-goal usab sa 66th minute.
Nahimong patas na ang standing ni Mbappe ug Argentina captain Lionel Messi nga may walo ka goals sa tournament diin mao nag-ilog karun sa Golden Boot.
Kini na ang ikatulo nga sunod-sunod nga World Cup semifinal appearance sa France nga nagtinguha nga makabawi karong tuiga human napakyas sa back-to-back championship sa 2022 ug nahuman lamang isip runner-up sa Argentina.
Bisan napildi ug nataktak na ang Morocco, nakahimo gihapon kini og kasaysayan isip unang nasud gikan sa Africa nga nakaabot sa semifinals sa 2022 ug nakahimo usab og back-to-back appearance sa quarterfinals karong tuig.
Laumang magtigi ugmang adlawa ang Spain ug Belgium sa Dallas alas 3, oras sa Pilipinas. Ang modaog sa maong duwa maoy makasugat sa France sa semifinals.