Hingpit nga gikabalaka-an sa daghang Pilipino ang padayon nga pagsaka sa presyo sa mga palaliton, diin halos katunga sa katawhan ang nagpaabot nga dili makabaya sa labing menos usa sa ilang mga bayronon o utang sa mosunod nga mga bulan.
Base sa Consumer Pulse Study sa TransUnion Philippines, 45 porsiyento sa mga konsumidor ang nagtuo nga mapakyas sila sa pagbayad sa ilang mga obligasyon pinansyal, mas taas gamay kumpara sa 44 porsiyento sa miaging tuig.
Gipakita usab sa survey nga 84 porsiyento sa mga respondents ang nag-ingon nga ang inplasyon mao gihapon ang ilang labing dakong kabalaka sa sunod unom ka bulan, gisundan sa job security, resesyon, ug taas nga interes sa pagpautang.
Tungod sa pagsaka sa presyo, 55 porsiyento sa mga panimalay ang mikunhod sa ilang paggasto sa kalingawan ug dili importanteng mga butang, samtang 49 porsiyento ang midugang sa ilang emergency savings.