Human sa iyang makasaysayanhong kampanya sa Wimbledon 2026, gikatakda na usab nga mamahimong usa ka seeded player ang Filipina tennis star nga si Alexandra “Alex” Eala sa prestihiyosong National Bank Open didto sa Toronto, Canada. Tungod sa iyang pag-ulbo ngadto sa iyang bag-ong career-high world ranking nga No. 28, makadawat si Eala og first-round bye niining maong WTA 1000 tournament nga ipahigayon gikan sa Agosto 2 hangtod 13, 2026. Kahinumduman nga si Eala ang labing unang Filipina sa kasaysayan nga nakadaog og main-draw match sa Wimbledon ug unang Pilipino sa Open Era nga nakaabot sa Round of 16 human niya gipalagpot ang defending champion ug World No. 3 nga si Iga Świątek.
Sa dili pa siya mosabak sa kompetisyon sa Canada, sugdan una ni Eala ang iyang pagbalik sa hard-court season pinaagi sa pagdula sa Mubadala DC Open didto sa Washington, United States gikan sa Hulyo 27 hangtod Agosto 2. Human niining iyang mga sunod-sunod nga dula, mupahulay una og mubo ang batan-ong tennis star kauban ang iyang pamilya. Ang iyang pagsulod isip seeded player sa Toronto gilauman nga magpalig-on pa sa iyang reputasyon isip usa sa labing hayag nga “rising stars” sa kalibutan sa women’s tennis.