Sarah Discaya, gitugotan nga makapiyansa og  ₱1M sa kasong ghost project 

Gitugotan sa Lapu-Lapu City Regional Trial Court Branch 27 si Sarah Discaya nga makapiyansa og ₱1 milyon sa kasong malversation of public funds ug paglapas sa Anti-Graft and Corrupt Practices Act may kalabotan sa giingong ₱96.5 milyong ghost project sa Davao Occidental.

Gitugotan usab nga makapiyansa og ₱300,000 ang DPWH Davao Occidental finance officer nga si Czar Ryan Ubungen, human matud sa korte nga wala gipakita sa prosekusyon ang igo nga ebidensya sa ilang direktang partisipasyon sa maong kaso.

Bisan pa niini, magpabilin sa kustodiya si Discaya tungod sa laing non-bailable case nga iyang giatubang sa Bulacan nga may kalabotan sa giingong ₱53.9 milyong ghost project sa Calumpit.