Usa ka usab ka dakong landslide ang subling nahitabo niadtong milabay’ng adlaw nga hinungdan sa hingpit nga pagsira sa San Fernando–Talaingod–Tagum Road sa Sitio Balakayo, Barangay Kalagangan, San Fernando, Bukidnon.
Tungod sa walay hunong nga pag-ulan, nahugno ang yuta ug natabunan ang 228-metro nga bahin sa kalsada sa gibanabanang 80,000 cubic meters nga lapok, dagkong bato, ug mga naaswat nga punoan sa kahoy.
Swerte nga walay natalang biktima o naangol sa maong insidente, apan matod sa DPWH, molungtad pa og usa ka semana ang clearing operations busa giabisohan una ang mga motorista sa pag-agi sa Bukidnon–Davao (BuDa) Road o sa rota sa Matupe–Paquibato.
Sa pagkakron, kamulo pa ang clearing operation sa DPWH sa nahitabong landslide sa Sitio Balacayo, Kalagangan San Fernando Bukidnon.