Suportado sa PDEA ang lakang sa syudad sa Valencia, Bukidnon nga ipailawom og hair follicle drug testing ang mga empleyado sa lokal nga kagamhanan.
Kahinumdoman nga gihingusgan sa kagamhanang sa Valencia ang pagpaubos sa hair follicle drug testing alang sa tanang trabahante sa maong syudad.
Matud ni kanhi Mayor Jun Galario, isip umalabot nga consultant ni Valencia City Mayor Elect Amie Galario, nga ipailawom sa drug test pinaagi sa hair follicle test ang tanang department heads ingun man ang mga job orders employees sa lokal nga pangagamhanan isip pagsanong sa kampanya batok sa illegal nga droga.
Samtang, supportado kini sa PDEA-10 ug gibutyag nga mao kini ang labing unang higayon nga nahitabo kini sa Bukidnon, bisan man sa tibuok Pilipinas.
Dugang pa ni Abad, nga wala pa nakigkoordina ang lokal nga pagamhanan sa syudad sa Valencia apan sumala ni Abad, makigkonekta ang PDEA 10 sa syudad aron mahisgutan ang maong lakang nga buot ipatuman.