Gitinguha ang Senado ang paspas nga impeachment trial ni Bise Presidente Sara Duterte aron dili malangay ang paghisgot sa 2027 national budget, mga prayoridad nga sugyot balaodnon, ug uban pang imbestigasyon sa institusyon.
Sumala ni Senate President Sherwin Gatchalian, ilang giawhag ang prosecution ug defense panels nga muboan ang iskedyul sa pagdungog pinaagi sa pagkunhod sa gidaghanon sa trial days ug sa mga testigo nga parehas ra ang ipamatuod.
Matod ni Gatchalian, kung adunay mga testigo nga corroborative o nagpalig-on lamang sa parehas nga testimonya, mahimo silang maminusan aron sa paspas nga dagan sa impeachment trial.
Gipunting usab ni Gatchalian nga bisan dili mahimong diktahan sa impeachment court ang estratehiya sa duha ka kampo, naghangyo sila nga himuong mas episyente ang presentasyon sa mga ebidensiya ug mga testigo.