Gilauman ni Senate President Sherwin Gatchalian nga motambong ang tanang senador, lakip ang mga miyembro sa minorya, sa pagsugod sa impeachment trial ni Bise Presidente Sara Duterte karong Lunes, tungod kay kabahin kini sa ilang katungdanan isip senator-judges.
Sumala ni Gatchalian nga importante nga personal nga madungog sa matag senador ang mga ebidensiya ug mga argumento sa prosecution ug depensa aron hingpit silang motambong sa pagdungog.
Dugang pa ni Gatchalian, adunay katungod ang mga senador sa pagpangutana sa mga testigo, ingon man sa prosecution ug defense panels, samtang nagpadayon ang impeachment trial.
Apan, gipunting ni Gatchalian nga dili angay gamiton ang impeachment court isip forum sa ubang isyu, lakip na ang legal nga kontrobersiya may kalabotan sa iyang pagka-Senate President.
Kahinumdoman nga una nang gipahayag ni Senate Minority Leader Alan Peter Cayetano nga mahimong maapektuhan ang pagka patas sa impeachment trial samtang wala pa maresolba sa Korte Suprema ang iyang petisyon nga ipa wala ang bisa ang sesyon sa Senado diin napili si Gatchalian isip Senate President.
Bisan pa niini, sigon ni Gatchalian nga ang isyu sa liderato sa Senado kinahanglan hisgutan sa plenaryo ug dili sulod sa impeachment court.