Aprobado na sa Sangguniang Panlungsod sa Malaybalay ang usa ka resolusyon nga naghatag og dalan sa pagpatuman sa Local Disaster Risk Reduction and Management Investment Plan (LDRRMIP) uban sa Supplemental Annual Investment Plan (AIP) No. 2.
Ang maong mga plano adunay gigahin nga pundo nga mukabat sa kapin P20 milyon.
Kini nga lakang pormal nga gidala ug gipresenta ni City Councilor Brian Flores atol sa pangtigom sa ika-49 nga Regular Session sa ika-10 nga Sangguniang Panlungsod.
Gilatid sa maong report sa pagpresenta sa konseho, ang kinatibuk-ang pondo kuhaon gikan sa Trust Fund sa tuig 2025. Ang maong kantidad nabahin sa nagkalain-laing mga alokasyon diin mukabat sa kinatibuk-ang kantidadad nga ₱20,043,880.29.
Subay sa gihisgutang sesyon, gipangutana ni Konsehal Rendon Sanggalang kon hain nga mga barangay o purok ipahimutang ang maong mga tangke sa tubig aron masiguro ang husto nga pag-apud-apod sa serbisyo.
Isip tubag sa maong pakisayod, gibutyag sa komite ang dagan sa alokasyon ug ang tukmang kapaingnan sa maong pondo.