Gisusi karon sa pamilya sa mitaliwan nga Ateneo student-athlete nga si Rene Clert Baterbonia ang posibilidad sa pagpasaka og supplemental complaint (o dugang reklamo) kalabot sa iyang kamatayon.
Sumala sa abogado sa pamilya nga si Atty. Israelito Torreon, wala pa sila’y pinal nga desisyon sa ilang mosunod nga legal nga lakang tungod kay naghulat pa sila sa opisyal nga kopya sa reklamo nga gihandog sa Criminal Investigation and Detection Group (CIDG) ngadto sa Department of Justice (DOJ) kalabot sa giingong paglapas sa Anti-Hazing Law.
Kahinumduman nga unang nirekomenda ang CIDG nga ipailalom sa preliminary investigation si kanhi Ateneo head coach Tab Baldwin ug napulo ka uban pa human sa usa ka team-building activity sa Aurora nga neresulta sa pagkalumos ug pagkamatay ni Baterbonia ug sa kauban niining atleta nga si Divine Adili. Matud ni Torreon, tungod kay duna pa’y kahigayonan nga dugangan o kuhaan ang listahan sa mga gipakasalan sumala sa DILG, ilang tun-an og maayo kung kinsa pa nga mga indibidwal ang angay nga pakuptan og tulubagon sa unahan.
Aron mas masabtan ang dagan sa imbestigasyon, mahimo nimong tan-awon kining Saksi report sa hazing raps batok kang Tab Baldwin ug kaubanan nga nagpatin-aw sa mga nakitang kalapasan sa mitaliwan nga mga atleta.