Viral online ang reklamo sa usa ka customer batok sa usa ka restaurant sa Baguio City human matud pa nakit-an niini ang patay nga ilaga sulod sa iyang gi-order nga shrimp sinigang.
Sumala sa customer, nakainom na siya og sabaw sa sinigang sa wala pa niini namatikdi nga adunay nasagol nga patay’ng ilaga sa maong pagkaon.
Gireklamo usab niini ang giingong kakulang sa aksyon sa mga staff sa restaurant human sa nahitabo.
Mitubag ang tigdumamala sa restaurant pinaagi sa pagpangayo og pasaylo sa insidente ug misaad nga tabangan ang customer, lakip ang pagbayad sa mga galastuhon kon magpa-check up kini.
Samtang pagkakaron, temporaryong gisirad-an ang maong restaurant ug dili pa kini tugotan nga makabalik sa operasyon hangtod makakuha og sertipikasyon nga nakatuman na kini sa mga kinahanglanong kalimpyo ug food safety standards.