Nakatala og kapin sa 1,300 ka dugang ihat sa mga natayan sa tibuok Europa sukad niadtong Hunyo 21 tungod sa grabeng heatwave nga nagdala sa pinakataas nga temperatura sa rehiyon.
Sumala sa World Health Organization (WHO), ang maong matang sa kainit giisip nga usa ka “silent killer” tungod kay ang mga balay, tulunghaan, ug opisina sa Europe wala gidesinyo alang sa grabeng kainit.
Giingon usab nga ang maong kontinente kaduha mas paspas nga nag-init kumpara sa global average.
Sa pagkakaron, 150 ka milyon ka tawo ang apektado, daghang tunghaan ang gisirad-an, ug naglisod ang mga power grid sa dako nga konsumo sa kuryente.
Ang France ang pinakagrabe nga naapektuhan diin natala ang kapin 1,200 ka patay niadtong Miyerkules, ug misaka pa kini ngadto sa kapin 1,400 ka kamatayon matag adlaw sa misunod nga duha ka adlaw.