Mipatigbabaw ang hait nga pulong ni Senador Imee Marcos batok sa administrasyon sa iyang igsuon nga si Presidente Ferdinand “Bongbong” Marcos Jr. atol sa gipahigayong rally sa Iglesia ni Cristo (INC) sa EDSA-White Plains niadtong Martes, Hunyo 30, 2026.
Atubangan sa liboan ka nanambong, gihulagway sa senador ang kasamtangang gobyerno isip usa ka “gobyernong tulog” ug “lasing sa gahom.” Gikondena usab niya ang administrasyon tungod sa giingong pagpabaya sa nasinating kalisod sa mga mag-uuma ug mangingisda. “Kasuklam-suklam ang gobyernong manhid! Manhid ug walay pakialam sa hirap ng taumbayan,” dugang pa ni Senator Marcos.
Ang maong lihok-protesta gipahigayon sa INC isip pagsupak sa mga isyu sa korapsyon sa kagamhanan ug pagpakita og suporta kang Senador Rodante Marcoleta, kinsa nag-atubang og kasong plunder. Sa bahin sa Malacañang, giingon ni Usec. Claire Castro nga wala kini giisip sa Presidente nga hulga ug nagmando na kini og maximum tolerance sa mga otoridad aron maseguro ang kalinaw sa maong rally.