Gikumpirma ni Iglesia Ni Cristo o INC spokesperson Bro. Edwil Zabala nga ang rally nga gihimo sa grupo sa EDSA niining Martes sa buntag usa ka pagpakita og suporta kang Senador Rodante Marcoleta.
Matud ni Zabala, ang rally gihimo human ipahibalo ni Ombudsman Boying Remulla nga kasohan si Marcoleta og plunder, usa ka kasong dili mapiyansahan nga may kalabotan sa giingong P75 milyon nga campaign donations.
Gipaabot usab ni Zabala nga dili supak ang INC sa pagpatuman sa balaod, apan supak sila sa giingon nilang pagbaluktot niini.
Bisan pa sa kaso batok kang Marcoleta, nagpadayon ang grupo sa ilang panawagan alang sa hustisya, transparency, accountability, ug kalinaw.
Samtang, nagpatuman na usab ang Philippine National Police (PNP) og Full Alert Status sugod alas 5:00 sa buntag niining adlawa ug nag-deploy og 5,936 ka pulis ug uban pang security personnel sa nagkalain-laing strategic nga lugar sa Metro Manila.