Nagtanyag og reward si Talakag Municipal Mayor Renz Sulatan Jr. alang sa makahatag og impormasyon nga makatabang sa pagdakop sa suspek sa makalilisang nga krimen sa pagpatay sa usa ka 17-anyos nga inahan sa Sitio Nataring, Barangay Dagundalahon, Talakag, Bukidnon.
Matud sa opisyal pinaagi sa iyang social media post, naghatag na usab ang lokal nga panggamhanan og dinaliang tabang sa pamilya sa biktima samtang padayon ang hot pursuit operation sa kapulisan batok sa suspek nga miikyas.
Base sa report sa Talakag PNP, ang biktima nga nailang alyas “Din2x” nakaplagang ang kahimtang human kini gitigbas ug gidudahang giabuso samtang nanglaba sa suba niadtong Hunyo 28, 2026.
Sumala sa imbestigasyon, nabilin kadiyot ang biktima sa suba, apan pagbalik sa iyang live-in partner nga si alyas “Bob” human sa mga 30 minutos, didto niya nakita ang suspek nga si alyas “Roy” nga nagdala sa biktima ug giingong mosulay unta pagtago sa nahitabo.
Sa dihang nakabantay ang suspek sa pag-abot ni Bob, dali kining mikagiw paingon sa wala matimo nga direksyon. Gidala pa sa ospital ang biktima apan wala na kini maluwas tungod sa grabeng samad nga iyang nahiaguman.