Venezuela gitay-og sa duha ka sunod-sunod nga kusog nga linog nga niabot ngadto sa magnitude 7.2 ug 7.5

Niduso sa hilabihang kalisang ang magkasunod nga duha ka kusog nga linog nga mitay-og sa nasod sa Venezuela kagabii, Hunyo 24, diin niresulta kini sa pagkahugno sa nagkadaiyang bilding sa kapital nga dakbayan sa Caracas.

Sumala sa United States Geological Survey (USGS), ang unang pag-uyog duna’y magnitude 7.2 ug gisundan dayon human sa 39 ka segundo sa mas kusog pa nga magnitude 7.5 nga linog. Gikumpirma ni Interior Minister Diosdado Cabello nga duna’y mga estruktura nga nangatunpag, hinungdan nga dinalian nga gipapalong ang suplay sa gas aron malikayan ang sunog. Sa pagkakaron, padayon pa ang pagsusi sa mga awtoridad sa kinatibuk-ang danyos ug kung duna ba’y nakalas nga kinabuhi.