Nagbahad si U.S. President Donald Trump nga mahimo silang subling maglusad og laing aksyong militar batok sa Iran kon magpadayon kini sa pagsira sa Strait of Hormuz, usa ka importante nga agianan sa importasyon sa lana ug patigayon sa kalibutan.
Samtang giingon sa Iran nga wala pa matuman sa Estados Unidos ang mga saad niini kabahin sa paghunong sa gubat sa Lebanon.
Bisan pa niini, nanguna si U.S. Vice President JD Vance sa pakigpulong sa mga opisyal sa Iran uban sa tabang sa mga mediator gikan sa Qatar ug Pakistan.
Hinuon, wala pa magtagbo si Vance ug Iranian Foreign Minister Abbas Araqchi sa maong panagtigom.
Nagpabilin ang Iran sa iyang baruganan nga dili mopadayon ang negosasyon hangtod mahunong ang panagbangi sa Lebanon ug matuman ang gisaad nga mga benepisyong pang-ekonomiya.