Gipatas-an sa Department of Energy (DOE) ang kapasidad sa Waste-to-Energy (WTE) auction gikan sa 230 megawatts ngadto sa 400 megawatts aron mapaspasan ang pagpatuman sa mga proyekto nga nagmugna og kuryente gikan sa basura.
Gipalugwayan usab sa DOE ang mga timeline sa proyekto, diin ang target nga mekanikal nga pagkahuman sa mga pasilidad gitakda sa Disyembre 2028, samtang ang pagsugod sa paghatod og kuryente gibalhin sa Disyembre 2029.
Gipalawig usab hangtod Hulyo 31 ang registration period alang sa mga kwalipikadong suppliers aron mas daghang kompanya ang makaapil sa maong auction.
Sumala sa DOE, ang mga kausaban gituyo aron mapalapad ang partisipasyon, mapalambo ang kompetisyon, ug masuportahan ang pagpalambo sa bag-ong waste-to-energy technologies sa nasud.