Nanawagan si Presidente Ferdinand Marcos Jr. alang sa mas lig-on nga panagtambayayong tali sa ASEAN ug Russia imbis nga panagbangga o komprontasyon.
Gihimo sa Pangulo ang maong pamahayag atol sa pagbukas sa ASEAN-Russia Commemorative Summit sa Kazan, Russia, diin kini nagsilbi usab isip Co-Chair kauban si Russian President Vladimir Putin.
Gipasiugda ni Marcos ang tulo ka prayoridad sa kooperasyon: pagpalig-on sa seguridad batok sa terorismo ug cybercrime, pagpalambo sa ekonomiya pinaagi sa kalakalan ug enerhiya, ug pagpalapad sa koneksyon sa katawhan pinaagi sa edukasyon ug kultura.
Matud sa presidente, ang 35 ka tuig nga panag-uban sa ASEAN ug Russia maoy pundasyon sa mas halapad ug mas mabungahong nga relasyon sa umaabot.
Gidugang niini nga importante ang paghatag og mas dakong papel sa kabatan-onan tungod kay sila ang maghulma sa kaugmaon sa relasyon tali sa ASEAN ug Russia.