Nagpahigayon na usab og panibagong serye sa mga airstrike ang militar sa Israel didto sa Lebanon, partikular na sa habagatang bahin ug sa kaulohan sa Beirut, bisan pa man sa hugot nga panawagan ni US President Donald Trump nga magbaton og dinalian nga pagpahunong sa kalayo o ceasefire.
Matod ni Trump, ang maong mga pag-atake “dili angay nga nahitabo” tungod kay anaa na sa pinal nga yugto ang gihisgutan nga kasabutan sa kalinaw (framework deal) tali sa Estados Unidos ug Iran nga nagtumong sa pagtapos sa giyera sa Middle East. Gikabalak-an sa mga eksperto nga ang nagpadayong pagpangasaba ug pagpambomba sa Israel mamahimo nga makasumpo o makapadugay sa pormal nga pagpirmahay sa maong makasaysayanong peace deal.
Bisan pa man niini, gipahayag sa administrasyong Trump nga padayon gihapon ang ilang hugot nga tinguha nga mapatuman ang maong kasabutan aron mahunong na ang karahasan ug hingpit nang maablihan pag-usab ang Strait of Hormuz alang sa agianan sa lana sa kalibutan.