Usa ka makapabalaka nga insidente ang gitaho sa usa ka Resort sa Kitaotao, Bukidnon human giingong nahulog ang usa ka zipline rider ngadto sa usa ka lasangon nga lugar. Sumala sa unang mga impormasyon nga mikaylap online, giingong naputol ang zipline cable samtang ang rider anaa sa tunga sa biyahe, hinungdan sa pagkahulog niini sa ubos nga bahin sa lasang.
Giingon sa mga nakasaksi nga nawala dayon sa panan-aw ang rider human sa insidente, hinungdan sa dinalian nga search and rescue operation sa lugar.
Nagkaylap karon ang mga hulagway nga naglibot sa social media nagpakita sa mga rescuers ug mga residente nga naglisod sa paglusot sa masulod ug bakilid nga terrain aron pangitaon ang biktima.
Hangtod karon, wala pa’y opisyal nga pahayag ang mga otoridad ug ang hingtundan sa resort bahin sa insidente ug sa kahimtang sa rider.