- Advertisement -
Gipasiugda ni Presidente Ferdinand Marcos Jr. ug German President Frank-Walter Steinmeier ang pagpalig-on pa sa relasyon sa Pilipinas ug Germany, ilabina sa depensa, peacebuilding, maritime cooperation, negosyo, ug pamuhunan.
Gihimo ang maong pasalig saatol sa gipahigayon nga bilateral meeting sa Malacañang karong Martes, Hunyo 16.
Gihisgutan usab niini ang mga lakang batok sa climate change, pagpalambo sa renewable energy, ug pagpalig-on sa people-to-people exchanges, lakip ang pagbinayloay og panan-aw sa mga isyu sa rehiyon ug sa tibuok kalibutan.
- Advertisement -
Gipadayag ni Marcos nga makasaysayan ang maong pagbisita kay kini ang unang higayon sa kapin 60 ka tuig nga mibisita ang Presidente sa Germany sa Pilipinas, sukad pa niadtong 1963.
- Advertisement -