Usa ka babaye gikan sa Georgia ang nakakab-ot og talagsaong kalampusan human maangkon ang rekord alang sa pinakadakong koleksyon sa Wonder Woman memorabilia sa kalibutan, nga adunay kinatibuk-ang 1,581 ka mga piraso.
Sumala sa Guinness World Records, ang koleksyon ni Aleshia Wiley nga taga-Cedartown naglangkob sa nagkalainlaing mga butang sama sa mga comic books, Funko Pop figures, action figures, espesyal nga mga dulaan, ug uban pang mga produkto nga adunay kalabutan sa sikat nga superheroine.
Tungod niini, opisyal siyang gihatagan sa titulo nga adunay “largest collection of Wonder Woman memorabilia” sa tibuok kalibutan.
Gibutyag ni Wiley nga nagsugod ang iyang pagkahilig sa karakter ni Wonder Woman sa dihang nakatan-aw kini sa animated television series nga Justice League sa tuig 2000.
Matud pa niini, dako ang iyang pagtan-aw sa maong karakter tungod gumikan nagrepresentar kini sa kusog, kaisog, ug pagbarog alang sa hustisya, mga kalidad nga iyang gidayeg ug gisundan sukad pa kaniadto.