Naharang sa mga puwersa sa Estados Unidos ang pipila ka mga ballistic missile ug drone nga gilunsad sa Iran paingon sa Strait of Hormuz ug sa Gulf area. Matod sa pamahayag sa U.S. Central Command (CENTCOM), ang maong mga hinagiban naghatag og direkta ug dinaling hulga sa kaluwasan sa mga barko ug trapiko sa dagat (maritime traffic) sa rehiyon.
Isip tubag ug aron mapugngan ang dugang pang mga hulga, daling mibalos ang militar sa Amerika pinaagi sa pagpahigayon og “self-defense strikes” batok sa mga coastal surveillance radar sites ug drone launch facilities sa Iran, partikular na sa Goruk ug sa Qeshm Island. Taliwala niining nagpadayong tensyon sa sinukliay sa kalayo, nanindugan ang US nga padayon nilang protektahan ang mga sibilyan nga magpapatigayon ug marinero nga moagi sa maong dapit.