Pilipinas, nakakuha og upat ka dugang slot sa taekwondo alang sa Asian Games

Nadugangan og upat ka slots sa taekwondo ang delegasyon sa Pilipinas alang sa umaabot nga 20th Asian Games didto sa Nagoya ug Aichi, Japan karong umaabot nga Septyembre 19 hangtod Oktubre 4. Matod sa Philippine Olympic Committee (POC), ang maong mga slots bahinon sa tag-duha alang sa poomsae ug kyorugi, dugang pa ang usa ka slot alang sa para taekwondo.

Gipahayag ni POC President Abraham “Bambol” Tolentino nga dako kini nga tabang sa tinguha sa nasod nga makasungkit og dugang medalya. Gilauman nga mopadala ang Pilipinas og kapin sa 700 ka mga atleta, nga pagapangunahan sa mga pambato nga silang Carlos Yulo ug EJ Obiena, aron malabwan ang upat ka bulawan nga medalya nga nakuha sa nasod niadtong tuig 2022.