Giakusahan ni Senador Panfilo “Ping” Lacson ang majority bloc nga naghimo “dirty tactics” tungod sa giingong paspas nga pag-usisa sa mosyon nga motugot sa online o teleconference voting sa mga senador.
Matud ni Lacson, wala pa matuki sa Committee on Rules ang maong sugyot ug wala pa usab pormal nga committee report, busa sigon niini nga gisupak ang Senate rules.
Dugang usab niya nga gi-delay ang ubang diskusyon aron mawad-an og oras ang minority bloc sa pag-apil sa debate.
Tungod niini, ang minority bloc mi-walkout isip protesta, samtang si Senador Vicente “Tito” Sotto III nagpabilin aron kuwestiyunon ang quorum ug magmosyon og adjournment.
Gipakita usab sa debate ang kalain-lain nga panlantaw sa mosyon, diin si Senador Dante Marcoleta miinsistir nga ang remote voting usa na ka modernong praktis, samtang si Lacson nagbarog nga kinahanglan sundon ang Senate procedures.