Gipalig-on ni Presidente Ferdinand Marcos Jr. ang relasyon tali sa Pilipinas ug Japan human sa iyang pakigpulong sa Japan-Philippines Parliamentary Friendship League atol sa iyang state visit sa Tokyo.
Gipasiugda sa Pangulo ang padayong kooperasyon sa duha ka nasud ilabi na sa seguridad, ekonomiya, ug regional stability taliwala sa nagtumaw nga tensyon sa rehiyon.
Gihisgutan usab niini ang pagpalalom sa diplomatic ties pinaagi sa Comprehensive Strategic Partnership ug mga defense agreements sama sa Reciprocal Access Agreement ug Assistance and Cross-Servicing Agreement.
Samtang, gipasalamatan ni Marcos ang padayon nga suporta sa Japan sa Pilipinas sa natad sa imprastraktura, seguridad, ug economic cooperation.
Kabahin usab sa maong pagbisita ang state call sa Imperial Palace diin gihatagan si Marcos ug ang First Lady og pinakataas nga pasidungog gikan nila Emperor Naruhito ug Empress Masako isip kabahin sa pagsaulog sa ika-70 nga anibersaryo sa diplomatic relations sa Pilipinas ug Japan.