Nagpasaka na og kaso nga plunder ug graft ang Office of the Ombudsman batok kang Senador Jinggoy Estrada.
Lakip usab sa gikasuhan si kanhi Department of Public Works and Highways Secretary Manuel Bonoan.
Gipangunahan ni Assistant Ombudsman Mico Clavano ang pagpasaka sa kaso sa Sandiganbayan.
Ang kaso may kalabotan sa giingong pagkalambigit nila Estrada ug Bonoan sa multi-billion flood control scandal.
Kahinumduman, nga gipahibalo ni Ombudsman Jesus Crispin Remulla atol sa press conference sa milabay’ng adlaw sa Office of the Ombudsman nga napirmahan na niini ang case information nga ipasaka sa Sandiganbayan batok kang Senador Jinggoy Estrada.
Samtang, gipanghimakak usab ni Ombudsman Remulla ang pamahayag ni Senator Rodante Marcoleta nga giinitan ang mga senador sa mayoriya may kalabotan sa isyu sa flood control project.
Lakip sa mga pasakahan og kaso mao sila si Senator Marcoleta, Senator Chiz Escudero, Senator Jinggoy Estrada, ug Senator Joel Villanueva nga pulos mga sakop sa mayoriya.