Nadakpan sa kapulisan ang duha ka lalaki human masakpan sa aktong pagpangawat og mga kahon sailimnong makahubog gikan sa natumba nga wing van truck sa Purok 7, Barangay Mailag, Valencia City, Bukidnon kagahapng adlawa.
Base saotoridad, nakadawat og tawag ang Valencia City Police Station gikan sa concerned citizen mahitungod sa maong pagpangawat sa mga produkto sa San Miguel Brewery gikan sa naaksidenteng Van truck. Nasayran nga ang maong trak gikan sa dakbayan sa Cagayan de Oro paingon unta sa lungsod sa Don Carlos, Bukidnon sa dihang kalit nga mibuto ang wala nga ligid sa atubangan niini, hinungdan nga nawad-an og kontrol ang drayber ug miigo sa konkretong culvert antes hingpit nga mitumba ngadto sa humayan.
Taliwala sa maong aksidente, gipahimuslan kini sa pipila ka mga bystanders diin ilang gilungkab ang kargamento sa trak. Apan, swerteng nasakpan sa mga nagrespondeng pulis ang duha ka suspetsado samtang aktong nagkarga sa lima ka kahon sa ilmnong makahubog nga aduna’y balor nga P3,805 ngadto sa usa ka motorsiklo.
Swerteng wala masamdan ang drayber sa maong aksidente samtang dinalian nga giposasan ang duha ka suspetsado ug gipahibalo sa ilang katungod sumala sa balaod. Sa pagkakaron, gidala na sa Valencia City Police Station ang mga suspetsado lakip ang narekober nga mga ilimnong makahubog ug ang maong motorsiklo alang sa hustong dokumentasyon ug sa dinalian nga pagpasaka sa angayng kaso batok kanila.