Upat ka tawo ang gikumpirmang nangamatay human sa mangilngig nga aksidente diin nabangga ang usa ka tren ngadto sa usa ka school bus didto sa nasod sa Belgium.
Sumala sa mga nag-unang taho gikan sa mga lokal nga otoridad, nahitabo ang maong insidente sa usa ka riles nga intersection samtang padulong unta ang bus sa paghatod sa mga pasahero niini. Gawas sa mga nakalas, duna po’y ubang mga biktima nga dinalian nga gidala sa labing duol nga ospital human nakaangkon og seryosong mga samad ug bali sa lawas tungod sa kakusog sa impak sa maong pagpamangga.
Sa pagkakaron, nagpadayon pa ang gihimong lawom nga imbestigasyon sa mga otoridad sa Belgium aron masuta kon unsay tinuod nga rason kon nganong naatlan ang bus sa tunga sa riles ug kon duna ba’y lapses sa signal system sa tren o sa drayber mismo sa bus.