Gidala sa balay tambalanan ug gi-isolate ang usa ka crew member sa MV Hondius human kini magpositibo sa Andes strain sa hantavirus samtang naka-quarantine sa Netherlands, sumala sa Dutch National Institute for Public Health and the Environment (RIVM).
Matud sa RIVM nga ang pasyente gihatod sa ospital isip preventive measure aron malikayan ang posibleng pagkatakod sa uban.
Stable na ang maong indibidwal ug ginabantayan samtang nagpadayon sa isolation.
Ang Andes strain usa ka klase sa hantavirus nga talagsaongumikan makatakod gikan sa tawo ngadto sa tawo pinaagi sa close contact, dili sama sa kasagaran nga hantavirus nga makuha gikan sa ilaga ug ilang hugaw.
Ang maong kaso konektado sa naunang outbreak sa cruise ship diin naay mga pasahero ug crew nga nataptan ug adunay namatay tungod sa virus.
Nagpadayon ang health monitoring ug containment efforts sa mga awtoridad sa Netherlands aron mapugngan ang posibleng pagkalapad sa impeksyon.