P8.00 discount sa LandBank InstaPay Fee, gipatuman karong semanaha

Mukabat sa P8.00 ang gikunhod gikan sa orihinal nga P15.00 nga singil sa InstaPay transfer fee sa Land Bank of the Philippines (LandBank) alang sa mga person-to-person (P2P) electronic transactions aron mas mapagaan ang gasto sa digital banking sa nasud.

Base sa opisyal nga pamahayag sa bangko sa kagamhanan, kini nga 46% nga rollback gipatuman aron mas mapadali ang pag-access sa serbisyong pinansyal para sa daghang Pilipino.

Matud pa ni LandBank President ug CEO Lynette Ortiz, kini nga lakang nahiuyon sa agenda sa gobyerno alang sa digital inclusion, diin tumong niini nga pakusgan pa ang electronic commerce taliwala sa mga gagmay nga negosyo ug ordinaryong account holders sa tibuok nasud.