Makigsangka ang pinay tennis star nga si Alex Eala batok sa Ukrainian nga si Oleksandra Oliynykova sa opening round karong adlawa Lunes, dungan sa tinguha nga makasugod og kusog nga kampanya sa Strasbourg Open.
Mamahimong dako nga babag alang sa Filipina tennis star si Oliynykova, kinsa kasamtangang anaa sa world No. 68 sa WTA rankings ug aduna nay kasinatian sa Grand Slam human sa debut niini sa Australian Open karong tuiga.
Solid usab ang resume niini sa clay-court human kini nakalangkat og tulo ka WTA 125 titles sa miaging tuig sa Italy, Argentina, ug Chile. Sa wala pa nibiyahe paingon sa France, napilde si Oliynykova batok kang Simona Waltert sa Round of 128 sa Madrid Open.
Sa laing bahin, si Eala gikan sa usa ka third-round exit sa Italian Open diin napilde kini sa ikapito ka higayon batok sa nag-unang two-time Grand Slam champion nga si Elena Rybakina sa iskor nga 6-4, 6-3.
Ang Strasbourg Open maoy ikalimang clay-court tournament ni Eala karong season human sa mga kampanya sa Linz, Stuttgart, Madrid, ug Rome, samtang padayon ang pagbansay sa iyang abilidad sa European clay swing.