Gisaway ni kanhi Senador Richard Gordon ang kasamtangang liderato sa Senado ug pipila ka opisyal may kalabotan sa nahitabong kagubot ug pagpamusil sulod sa Senado niadtong Mayo 13.
Matud ni Gordon sa pakighinabi sa Bombo Radyo Philippines, ang insidente nagpakita sa kakulang sa seguridad ug husto nga pagdumala, ug sigon niini nga adunay kinahanglan manubag sa nahitabo aron mabalik ang pagsalig sa publiko sa institusyon.
Gisaysay niini nga ang nahitabo konektado sa giingong pagpahawa ug pagpanalipod kang Senador Ronald “Bato” dela Rosa, ug giingon pa nga posible nga adunay plano nga makaikyas o makalikay sa pagdakop pinaagi sa kagubot nga nahitabo.
Gipahayag usab ni Gordon nga ang Acting Senate Sergeant-at-Arms giingong suod sa senador ug nagduol-duol pa kaniya sa wala pa ang insidente, nga posibleng nakaapekto sa seguridad ug pagdumala sa sitwasyon.