Walay nakit-an nga CCTV footage nga nagpakita sa eksaktong posisyon sa mga personahe sa Office of the Sergeant-at-Arms (OSAA) ug Philippine Marines sa nahitabong pagpamusil sulod sa Senado niadtong Miyerkules sa gabii, Mayo 13.
Sumala ni OSAA Chief at Retired Major General Mao Aplasca, ang ilang narekober nga CCTV footage nagpakita lamang sa posisyon sa mga ahente sa National Bureau of Investigation (NBI) ug sa “ulahing bahin” sa mga tactical personnel sa Senado, apan wala ang tibuok aktwal nga panghitabo sa ilang linya sa mga personahe sa OSAA ug Marines.
Gipanghimakak usab niini ang mga mikatap nga video nga nag-ingon matud pa nga nadungog si Senador Jinggoy Estrada nga nagmando sa pagpanalipod o pagtago sa CCTV footage, ug giingon nga wala siya kahibalo niini.
Giangkon usab ni Aplasca nga siya mismo ang unang nagpabuto og warning shot, isip kabahin sa ilang rules of engagement kung adunay hulga sa ilang kinabuhi.
Matud ni Aplasca, nakakita sila og mga armadong indibidwal nga nagdala og long firearms, hinungdan nga nagpatuman sila og verbal challenge ug aron pugson nga mu-atras ang pikas nga grupo.
Apan tungod sa giingong agresibo nga lihok sa pikas grupo, napugos sila sa pagpusil isip depensa.
Sumala ni Aplasca, nga wala silay tuyo nga makasakit gumikan giila man ang pikas grupo nga mga ahente sa NBI.
Sa katapusan, gikumpirma sa mga otoridad nga walay natala nga namatay o nasamdan, ug luwas ang tanang Senador, media personnel, ug empleyado sa Senado atol sa insidente.