Natapos ang duha ka adlaw nga summit tali sa US President Donald Trump ug Chinese President Xi Jinping diin gitutukan ang mga isyu sa seguridad ug kalakalan tali sa Estados Unidos ug China.
Gidala ni Trump ang pipila ka opisyal sa US delegation samtang gihisgutan sa duha ka lider ang pagpalig-on sa ekonomiya, global security, ug trade relations.
Gidiskusyon usab sa summit ang tensyon sa Middle East lakip na ang giyera sa Iran ug ang nagpadayon nga isyu sa Taiwan nga nagapabilin nga sensitibo sa relasyon sa duha ka nasud.
Gipadayag ni Trump nga adunay mga problema nga ilang nasulbad nga wala matubag sa miaging mga administrasyon, ug nag-ingon nga mas lig-on pa ang relasyon sa US ug China human sa ilang panagtigum.
Kahinumduman nga nagkagrabe ang tensyon sa duha ka nasud human sa pagpatuman sa US og taas nga taripa sa mga produkto gikan sa China.