Opisyal na nga nadawat sa Senado ang kopya sa Articles of Impeachment batok kang Vice President Sara Duterte, dungan sa pormal nga deklarasyon ni Senate President Alan Peter Cayetano.
Sumala sa Senate President, ang maong dokumento gikan sa House of Representatives gi-refer na ngadto sa Secretariat aron malakip sa calendar of business ug maporma ang Impeachment Court nga gikatakdang ipahigayon karong Mayo 18, 2026, sa alas 3:00 sa hapon.
Kini nga lakang nagsugod human ang mayorya sa mga kongresista mibotar pabor sa impeachment tungod sa mga isyu sa korapsyon ug uban pang mga seryosong pasangil, diin gilauman nga mahimong sentro sa atensyon sa tibuok nasud sa mosunod nga mga adlaw subay sa proseso nga gimando sa Konstitusyon.
Subay niini, gipadayag usab sa senador ang hulga nga balasahan kon destabilization plot dungan sa iyang pagpasidaan nga dili magpa-intimidar ang Senado sa bisan unsang “extra-constitutional” nga mga lihok o planong kudeta human nadawat ang Articles of Impeachment batok kang Vice President Sara Duterte.
Gipasalig ni Senate President Alan Peter Cayetano sa katawhang Pilipinhon nga magpabiling lig-on ang institusyon sa pagsubay sa balaod ug sa mandato sa Konstitusyon, dungan sa pag-ingon nga ang proseso sa impeachment dili angay gamiton nga himan sa kagubot.