Gipadayag ni Project Development Officer III RIACAT VAWC Led Secretariat Honey Grace P. Mendoza sa DSWD Region 10, nga ang kasagarang hinungdan sa panagbangi tali sa magtiayon sa Northern Mindanao mao ang kakuwang sa kuwarta, selos, kontroladong relasyon, ug paggamit sa ilegal nga droga.
Sa bahin sa datos, gipadayag nga ang Bukidnon adunay labing daghang naitalang kaso sa Violence Against Women o VAW sa Region 10, nga nakaabot sa 399 ka reklamo base sa datos sa Philippine National Police gikan 2025 hangtod Pebrero 2026.
Bisan pa niini, gipatin-aw sa maong opisyal nga dili kini pasabot nga delikado ang Bukidnon, kundili usa kini ka timailhan nga mas daghang biktima karon ang nahibalo sa ilang katungod ug mas epektibo na ang reporting system ug koordinasyon sa lokal nga gobyerno, barangay, ug kapulisan batok sa pang-abuso sa kababayen-an ug kabataan.