Lakip nga nanguna ang Northern Mindanao Regional Athletic Association (NMRAA) sa gold medal tally sa nagpadayong Palarong Pambansa 2025.
Nasakmit ni Khint Gimarangan, representante sa Region X – NorMin Stars ang unang bulawang medalya sa Athletics Long Jump – Elementary Boys category sa nagpadayong Palarong Pambansa 2025 nga gipahigayon karon sa Laoag, Ilocos Norte.
Gumikan niini, si Gimarangan ang labing unang nakasakmit sa bulawang medalya alang sa Rehiyon X.
Dakong garbo kini alang sa lalawigan sa Bukidnon, hilabina ang maong atleta gikan sa dakbayan sa Valencia, Bukidnon.
Dugang pa niini, midaog usab sa Softball Elementary Girls ang region 10 batok sa CARAGA nga dunay score nga 18-0.
Lakip usab nga nakadaog ang Tennis Girls Single A Region X Bukidnon batok CARAGA sa 8-1 nga puntos, badminton elementary girls-singles batok CARAGA, Sepak Takraw Elementary Boys batok CAVRAA, Baseball Elementary Boys batok BRAA, Badminton Elementary Boys-singles batok CAVRAA, Apan, napildi ang Tennis Girls Single B batok Region 3 sa iskor nga 8-5, ug Football Elementary batok Calabarzon sa 4-3 nga puntos.
Sa pikas bahin, hilabihan ang kalipay ni CHRISHIA MAE S. TAJJAROS, ang atletang labing unang nakasamit og bulawang medalya alang sa Western Visayas human nagdominar sa 3000 meters secondary girls finals karong adlawa, Lunes Mayo 26 2025.
Emosyonal niining gidawat ang kadaugan uban ang kalipay samtang naghilak gumikan wala kini magtuo nga makuha niini ang maong pasidungog ug titulo.
Gani, bisan lisud kaayo matud pa ang pagbansay ug disiplinang nasinatian, wala kini nasayang sanglit nagbunga ang iyang pagpaningkamot nga magmalampuson aron mamahimong maayong atleta ug makatabang sa iyang pamilya, saysay ni Chrishia.
Sigon usab ni Chrishia, nga ang kalisud sa training ug mga kasakit sa pagpangandam angay nga himuong motivation aron makab-ot ang gitunguha ug magmalampuson.
Samtang alang sa partial and unofficial medal tally sa kinatibuk-an, 3 ka rehiyon ang nag-una ang CALABARZON sa Region 4A, Visayas sa Region 3, ug Region 10 nga dunay tag 1 ka bulawang medalya.
Gisundan kini sa Caraga Region nga dunay 2 ka silver medal ug 1 ka bronze, samtang ikaupat ang Zamboanga Peninsula nga dunay usa ka silver ug usa sab ka bronze sa Region I – Ilocos region.