Mayor sa California, gikasohan human giingong nagserbisyo isip ‘agent’ sa China

Nag-atubang karon og bug-at nga kasong kriminal ang usa ka mayor sa California human kini pasangi nga naglihok isip tinago nga “agent” alang sa gobyerno sa China. Sumala sa mga awtoridad sa Estados Unidos, ang maong opisyal migamit sa iyang posisyon aron isulong ang interes sa mga Intsik baylo sa mga pabor ug pinansyal nga benepisyo.

Sa gipagula nga dokumento sa korte, giingon nga wala magpahibalo ang mayor sa Department of Justice bahin sa iyang pakig-alayon sa langyaw nga gobyerno, butang nga gidili ubos sa balaod sa Amerika. Gawas sa pagka-agent, giimbestigahan usab ang uban pa niyang mga transaksyon nga duna’y kalambigitan sa korapsyon. Kon mapamatud-an nga sad-an, posible kining mag-atubang og dugay nga pagkabilanggo.