Nagbangutan karon ang mga kabanay sa duha ka sales agent gikan sa Bukidnon human sila gipusil-patay ug gitulis sa wala pa mailhing mga suspek niadtong milabayng adlaw sa lungsod sa Amai Manabilang (kanhi Bumbaran), Lanao del Sur.ย
Giila ang usa sa mga biktima nga si Roger Yumul, kansa nagtrabaho isip collector, kauban ang usa ka canvasser og mga muwebles.
Ang duha biktima nailhan nga naningkamot lamang sa ilang panginabuhi pinaagi sa pagpamaligya og mga cabinet ug uban pang gamit sa balay aron suportahan ang ilang mga pamilya.
Base sa inisyal nga imbestigasyon sa kapulisan, giduol ang mga biktima sa wala pa mailhing mga suspek ug gipamusil. Human sa pagpamusil, gikuha sa mga kriminal ang nakolektang halin sa duha nga mokabat sa kapin โฑ5,000 ug dayon mikagiw.
Sa pagkakaron, gipakusog na sa kapulisan sa Lanao del Sur ang usa ka hot pursuit operation ug imbestigasyon aron mailhan ug madakpan ang mga responsable sa maong krimen.
Nagmando na usab ang mga otoridad og mas hugot nga seguridad sa maong lugar aron malikayan ang susamang insidente.
Nanawagan usab karon og dinaliang hustisya ang mga kabanay ug mga netizens alang sa mga biktima nga giingong nagkugi lamang sa tinarong nga trabaho apan kinabuhi ang gikuha niini.