Kapin P200-K smuggled nga sigarilyo, nakumpiska sa dakbayan sa Valencia

Nakumpiska sa mga otoridad ang gibana-banaang Php200,000.00 nga kantidad sa gituohang smuggled nga sigarilyo human kini mabilini nga walay tag-iya sa Public Market, Poblacion, Valencia City, Bukidnon, kagahapong adlawa, takna alas 8:30 sa gabii.

Sumala sa report, daling niresponde ang mga personahe sa Provincial Intelligence Unit ug Valencia City Police Station human makadawat og impormasyon kalabot sa maong mga kontrabando.

Sa pag-abot sa kapolisan sa maong dapit, nakit-an ang lima ka karton sa sigarilyo nga naglangkob sa mosunod:

• Duha ka kahon nga adunay 100 ka reams sa Modern brand; ug
• Tulo ka kahon nga adunay 150 ka reams sa Red Commando brand.

Ang maong mga ebidensya anaa na karon sa kustodiya sa imbestigador ug nakatakdang itugyan ngadto sa City Health Office sa Valencia City alang sa tukmang disposisyon.