Nakabsan sa kinabuhi ang 13 ka tawo human sa gipahigayong airstrikes sa Israel sa nasod sa Lebanon, taliwala sa gipatuman nga tulo ka semana nga ceasefire.
Sumala sa Lebanese Health Ministry, ang maong mga pag-atake miigo sa Haboush sa Nabatieh district diin walo ang namatay, lakip ang duha ka babaye ug usa ka bata, samtang upat usab ang nakalas sa Zrarieh sa Sidon district.
Sa kinatibuk-an, upat ka babaye ug usa ka bata ang naapil sa mga biktima niining duguong insidente.
Ang panagbangi tali sa Hezbollah ug Israel nagpadayon gihapon bisan pa sa inisyal nga 10 ka adlaw nga hunong-buto nga gipahibalo niadtong Abril 16 human sa panaghisgot didto sa Washington.
Kini nga hitabo nagpakita sa nagkagrabe nga tensyon sa rehiyon bisan pa sa mga paningkamot alang sa diplomatikong solusyon.