Nagpabiling kalma ug mabinantayon ang kampo ni Bise Presidente Sara Duterte bisan pa sa mga taho nga daghang senador ang posibleng mosuporta kaniya kung ma-convene ang Senado isip impeachment court.
Sumala kang defense spokesperson Atty. Michael Poa sa interbyu sa Bombo Radyo, dili pa sila kampante sa gidaghanon sa mga senador nga mahimong pabor sa Bise Presidente gumikan nga politikal ang maong isyu.
Gipunto ni Poa nga paspas ang pagbag-o sa kahimtang sa pulitika, busa dili angay mag-base lang sa pag-ihap sa mga senator-judge nga giisip nga kaalyado.
Sa karon, nakatutok ang legal team sa pagpahugot sa ebidensiya ug pag-andam sa mga testigo alang sa posibleng husay.
Gipasalig usab ni Poa nga ang mga senator-judge moboto base sa ebidensiya ug testimonya, dili sa politikal nga relasyon.
Nagpabilin ang pagsalig sa kampo ni VP Sara nga mahimong patas ang proseso kung magsugod na ang impeachment trial.