Nakakaplag og solusyon ang usa ka mag-inahan sa problema sa pagpananom og pakwan nga lisod tungod sa kadako sa bunga ug taas nga pagkatay.
Pinaagi sa non-GMO chemical mutation nga pamaagi, ilang napagamay ang watermelon hangtod nahimo na lang kini sama kadako sa itlog sa manok, samtang nagpabilin gihapon ang katam-is niini.
Sumala ni Delaney Raptis, nagpabilin ang kapula, katam-is, ug kalidad sa unod sa bunga bisan pa og gamay na kini.
Nagsugod ang ilang breeding program niadtong 2021 uban sa tumong nga mapagamay ang watermelon aron mas sayon kini itanom, dalhon, ug padak-on.
Human sa pipila ka henerasyon, ilang napakunhod ang gidak-on sa pakwan gikan sa dagkong bunga ngadto sa 80 hangtod 200 gramos.
Ang proyekto nagtinguha nga ipahiangay ang pakwan sa high-density greenhouse ug vertical farming systems aron mapadaghan ang ani sa gamay nga espasyo, makatabang usab sa pagpakunhod sa food waste ug sa pag-abli sa merkado para sa single-portion nga prutas.