Nadakpan na ang suspek nga giingong responsable sa sunod-sunod nga insidente saa pagpangawat sa Barangay Nazareth, Cagayan de Oro City, human sa gihimong operasyon sa kapulisan kagabii.
Sumala ni PCapt. Emilita Simon, tigpamaba sa COCPO, misulay pa og ikyas ang suspek hinungdan nga nahitabo ang ginukdanay tali niini ug sa mga otoridad sa wala pa kini malampusong nasikop.
Atol sa pagrikisa, nakuha gikan sa dinakpan ang usa ka kutsilyo ug pakete sa gituohang shabu nga nagkantidad og mokabat sa ₱3,000.
Nanawagan karon ang COCPO sa tanang nahimong biktima sa tulis sa maong dapit nga mobisita sa Police Station 9 sa Nazareth aron pormal nga mailhan ang suspetsado ug mapalig-on ang pagpasaka og kaso.
Ang maong indibidwal anaa na karon sa prisuhan samtang giandam ang mga tukmang legal nga aksyon batok niini.