Nakatakdang muabot sa Pilipinas ang 21-mil ka metrikong tonelada sa liquefied petroleum gas (LPG) nga napalit gikan sa Estados Unidos sa Mayo.
Kini ang kabahin sa paningkamot sa gobyerno nga maseguro ang lig-on ug malaumong suplay sa lana taliwa sa krisis sa Middle East diin nagsumikad ang crude oil nga giproseso para makamugna og LPG ug uban pang fuel.
Gipahayag sa Department of Energy (DOE) nga laumang madeliver kini sa nasud gikan sa Mayo 20 hangtud sa 31 ug kini dalhon sa Batangas.
Lauman matud pa nga magpalig-on ang nagsingabot nga shipment sa imbentaryo sa nasud sa LPG ug magpakusog sa supply buffers para sa mga katawhan ug negosyo.
Sigon sa Energy Department, hugot nga nakig-alayon kini sa gobyerno ug industry stakeholders para masiguro ang energy security, mapabilin ang lig-on nga suplay ug maprotektahan ang kaayuhan sa mga Pilipino nga nakadepende sa LPG para sa ilang pang-adlaw-adlaw nga panginahanglan.